Vorhreingerning

Þegar sólin fer að skína meira á vorin, kemur skíturinn og rykið betur í ljós. Þá byrjar fjörið. Upp með tuskur og klúta og af stað. Eitt herbergi á dag helst er fyrirætlunin. En hvað kemur í ljós? Það sem byrjaði með offorsi dregst fram á sumarið því það kemur í ljós að eitthvað þarfara þarf að gerast t.d. vinna, verslunarleiðangur, svo kemur rigningadagur sem endist í nokkra daga, og það herbergi sem kláraðist er orðið skítugt aftur. Þá er sest niður og sagt, ég klára þetta bara fyrir jólin en verð duglegri næsta vor.