strembinn dagur

Dagurinn í dag er búinn að vera strembinn. Þegar ég kom í vinnuna rétt fyrir 8 þá var bara kallað á móti mér "Geturðu farið með kleinurnar í Matarlist núna? Stelpurnar eru báðar lasna!". UUUFFFFF. Keyra út vörunum, skera niður brauð, pakka í poka, telja í grindur, skera niður hamborgarabrauð, fara tvær aukaferðir sem eru ekki farna að staðaldri, 12 staðir til að fara á og allt þetta á 4 og hálfum tíma. Já, og fara með strákinn svo til læknis kl 1. Aðgerð á honum í sambandi við inngróna nögl, Keyra heim með hann, stoppa við í 15 mín og borða hádegismatinn, vera komin í vinnu aftur klukkan 2. Var svo komin heim kl 7 og þá búin að ganga frá öllu í búðinni. Svo að núna er það heitt bað, hreint rúm og HITATEPPI fyrir aumar axlir.