bekkjarmót

Þetta var nú meiri helgin. Sjaldan fundist jafngaman og um síðastliðnu helgi, hefði ALLS EKKI viljað missa af henni. Eins gott að ég fannst

Flaug austur á föstudeginum og tók minn bílaleigubíl á Egilsstöðum. Fékk Toyota Yaris hálfsjálfskiptan eins og það er asnalegt orð en komst upp á lagið með að keyra hann, bara eins og sjálfskiptan bíl. Ég er nefnilega orðinn sérfræðingur á bíla eftir allt fjörið í vetur sem leið

Keyrði beint niður Fagradalinn og alltaf finnst mér jafn fallegt að horfa út Reyðarfjörðinn þegar komið er í dalsmynnið, sjón sem gleymist aldrei. Og fann hvað ég er farin að sakna fjallanna. Sakna kyrrðarinnar á vorkvöldum og að sjá stilltan sjó. En hvað um það. Fór með dótið til Ragnheiðar syst og mikið var hún glöð, ég veit ekki hvort það var að sjá mig eða að fá innflutningsgjöfina en ég ákvað að gefa henni kaffikönnu þannig að ég fæ núna kaffi hjá henni næst þegar ég heimsæki hana.

Hittumst heima hjá Ingu klukkan 9 og aldrei þessu vant var ég ekki fyrst en heldur ekki síðust. Nefndin kom öll til dyra og sá eini sem mér finnst hafa breyst mest er Heiðar, ég þurfti að líta á hann tvisvar.  Og mikið var Steini hissa þegar við sungum fyrir hann, gaman að sjá svipinn á honum.

Á laugardeginum var hist heima hjá Heiðari og þar borðaður bruns, hlustað á sr Davíð mynnast Garðars og Árna Jóns og svo farið í skoðun í skólann, gamla íþróttahúsið og nýju íþróttahöllina. Djö er hún stór. Þar fyrir utan kom svo rúta að pikka okkur upp og rúntur tekinn um álverslóðina, þar sem almenningur má fara, og bærinn skoðaður og hann hefur sko breyst. Endað var í stríðsmynnasafninu upp í kamp og þar var rúllað yfir 68 módel í reiptogi, ekki einu sinni, ekki tvisvar, heldu þrisvar sinnum. 

Um kvöldið var farið í Kósý og þar borðað, kosið í næstu bekkjarnefnd og ákveðið að hittast eftir 5 ár. Mínum hlakkar til.  Ég fór "snemma" heim , um hálf tvö- tvö. Því sumir þurftu að fljúga snemma heim næsta dag þótt engin löngun væri fyrir hendi. Og að lenda í leiðinda lendingu í bænum, hossur og dýfingar og svo valhopp við lendingu. Flugmaðurinn er snillingur í að valhoppa flugvél. Fyrst börnin voru ekki með voru bílasölur grandskoðaðar. Rétt fyrir ofan Hafnarfjörð vorum við næstum lent í árekstri. Bíll á móti var að taka fram úr bílalest og sá maður hugsaði " frá, frá, ég Á veginn, báðar akreinar" Stebbi ók á vegöxlinni til að forðast árekstri og ég sá að næsti bíll á eftir okkur gerði slíkt hið sama.

HLAKKA TIL NÆSTA MÓTS!!!

  

Hraðamyndavélar

 Mér finnst  það svolítið skrítið að setja upp hraðamyndavélar á Garðskagavegi og Sandgerðisvegi á meðan ökufantar fá að aka um Reykjanesbraut nánast óáreittir kjaftandi í síma og fylgjast mjög lítið með því hvað er um að vera í kringum sig, taka varla eftir því hvort þeir eru á framkvæmdasvæði eða á tvöföldunni  mer ógnar unferðahraðinn  á vinnusvæðinu frá vogum að fitjum og ef einhverstaðar á að setja upp hraðamyndavélar þá er það á þessum vinnusvæðum  en ekki að draga eihverja Garð og Sandgerðisbúa í dilk og gefa það nánast út að  að þeir aki bara allt of greitt.  

Hraðamyndavélar á Suðurnesjum

sól og blíða

Ég vona þess svo innilega að þetta veður verði fyrir austan um næstu helgi, tveir árgangar munu hittast og halda bekkjarmót. Gaman verður að hitta þau eftir allan þennan tíma.

Búin að panta farið og bílaleigubílinn og þá er allt klappað og klárt.

15-20 stiga hiti á Norðausturlandi

Erlendir ferðamenn

Hvernig er það, er erlendum ferðamönnum ekki sagt frá akstursleiðum hér á landi og hvaða leiðir eru lokaðar á hverju sinni? Veit um herferð sem var fyrir nokkrum árum en hefur sennilega ekki verið fylgt nægjanlega eftir eins og svo mörgum öðrum herferðum. 

Man eftir myndum af þýskum ferðamönnum sem komu með Norrænu og voru með járngrindur bundnar utan á toppgrindina á "fjallajeppunum" og voru notaðar t.d. þegar þeir festu sig.

Ferðamenn fastir á fáförnum slóðum

??? and the City

Hvaða orð ætli sé þá best í staðinn? Four and the City? Hljómar ekki eins spennandi. Ætli þeir fari þá yfir alla myndina og láta pípa þegar orðið "sex" heyrist? Þá þyrfti að láta eyrnatappa fylgja bíómiðanum.

Ekkert „sex“ í borginni

íslenskt

Þannig að eina leiðin til að vera viss um að fá íslenskt grænmeti er að rækta það sjálfur! Allir út að plægja garðinn og niður með fræin!!

Grænmeti þvegið úr íslensku vatni og selt sem íslenskt

myndin

Þetta finnst mér ljót mynd. Að sjá til allra ljósmyndaranna. "Eins dauði er annars brauð"

Ástandið í Suður Afríku slæmt

villa

Það er greinilegt að það eru fleiri en ég sem ruglast á tökkum á lyklaborðinu en ég reyni þó að lesa yfir það sem ég skrifa. Ef ekki nota ég bara púkann  Hann er mjög góður fyrir þá sem eru hljóðvilltir eins og ég

Gæsluvélar í sýningarflugi

vedur.is

Ég fer stundum inn á vedur.is og fylgist með kortunum þar. Bæði veðurkortunum og jarðskjálftakortunum. Og síðustu vikuna hafa doppurnar verið annsi margar. Sjá hvernig flekabeltið liggur í gegnum landið.

Ég man eftir einum skjálfta sem ég fann fyrir. Var ég þá að vinna í Hafnarfyrði, í frystihúsinu niður við sjóinn sem nú er búið að rífa. Þetta var árið 1990 og einmitt jarðskjálftinn sem þaggaði niður í Ólafi Ragnari Grímssyni í miðju sjónvarpsviðtali. Sat ég við flæðilínuna og þegar skjálftinn reið yfir hugsaði ég:" hvað í ósköpunum eru strákarnir að meina með að hreyfa línuna, sjá þeyr ekki að við erum að vinna?" En þeyr voru víst saklausir í þetta skiptið, enda hefðu þeyr ekki getað hreyft línuna, eins og hún var þung. Strákarnir voru samt annsi miklir hrekkjalómar.

Jarðskjálfti við Kleifarvatn

Ferðamenn

Ætli ferðamannastraumurinn aukist eitthvað meira með tilkomu þessarar fréttar í Reuters?

Og ætli samkeppnin sé mikil á milli Reðurssafnsins og hvalaskoðananna?

Reðasafnið á Reuters