minning

HMMMM, við lestur þessarar fréttar koma gamlar minningar upp í hugann. Í sambandi við skóflumálið. Það var þegar ég var um 5 ára og var að leika við jafnaldra minn í sandkassa heima hjá honum. Kastaði ég sandi á buxurnar hjá honum og fékk ég að launum vænt gat á hausinn eftir járnskófluna sem hann var með. Var brunað með mig til læknis til Eskifjarðar og rann blóðið hratt alla leiðina en stoppaði um leið og við komum inn til læknisins og trúði hann því ekki að það hafi blætt fyrr en mamma sýndi honum handklæðin sem voru notuð til að stoppa blæðinguna. En ekki talaði ég við þennan leikfélaga minn í heilar 2 VIKUR. (Langur tími fyrir barn).

Fékk í sig farsíma og handarbrotnaði

Góð helgi nýafstaðin

Síðasta helgi var ljómandi góð að langflestu leit. Á laugardeginum fór bóndinn í golf og var hann það heppinn að lenda í öðru sæti. Einn hluti verðlaunanna var gjafabréf í eina golfverslunina svo að núna getur hann fengið sér nýja golfskó, hann er búinn að ganga niður þá gömlu bókstaflega.  Og á meðan slapp ég í búðir.

Á sunnudeginum var vaknað snemma, upp úr 6. Deginum áður hafi verið hringt í bóndann og hann grátbeðinn að taka eina rútuferð inn í Landmannalaugar því bílstjórinn sem fer þessa ferð var búinn að vera lasinn. Við mættum á svæðið og einnig hinn bílstjórinnþannig að bóndinn var eiginlega óþarfur. En það fannst ferð handa honum og fékk ég að fara með. Fórum við til Víkur í Mýdal með stoppum á nokkrum stöðum. Reyndist dagurinn hinn ánægjulegasti og komið seint heim, að ganga 10. Langur dagur og þreytt manneskja sem sofnaði um kvöldið.  

Það eina sem var ekki skemmtilegt um helgina var það að sonurinn hafði náð sér í sumarpestin, hausverkur, hiti, beinverkir. Og núna er dóttirin lögst í bælið. Vonandi sleppum við hin því við fáum hjólhýsið á fimmtudaginn og leggjum þá af stað. Ætti reyndar núna að vera að stytta buxur eða baka "ferðalagskökurnar" , en byrja bara á eftir

Verð

Þetta er eins og með OLIS í gær, þeir hækkuðu manna mest en þorðu svo ekki annað en að lækka því hinir hækkuðu ekki eins mikið. Nú verður tröppugangur niður núna þannig að þeir reyna að lækka sem minnst, minna en hinir til að græða sem mest en reyna samt að halda feisinu, að sína lit.  Og ef fólk segir að þeir lækki ekki nóg þá munu þeir örugglega kenna genginu um.

Hráolíuverð hrynur

HÍ HÍ

Maður þyrfti kannski svona á börnin og unglingana svo maður vissi hvar þau væru  og þá á ég við á fjölmennum skemmtunum, t.d. niðri í bæ á 17. júní.

Ærnar með gemsa og senda SMS

Engin furða

Þá er engin furða þótt maður taki illa eftir þessum hjólum, þau þjóta oftast framhjá manni. En það eru svona menn sem koma óorði á heila stétt. Að mínu mati, í þessu tilviki, ætti að svipta manninn ökuréttinn varanlega og gera hjólið upptækt, selja það og setja andvirðið í sjóð fyrir fólk sem hefur slasast í umferðinni.

Mældur á 212 km hraða; reyndi að stinga af

Sumarfrí 1.

Jæja, þá er blessað sumarfríið byrjað . Hlakka til að slappa af og taka lífinu með ró og ég ætla ekki að byrja leitina að nýrri vinnu fyrr en í síðari hluta frísins . Því ég veit að það þíðir ekkert núna að leita. En ég tek öllum vísbendingum með þökkum .

Mig hlakkar til að fara norður í brúðkaupið og austur á Neistaflug, á það eina sem er búið að skipuleggja fyrir sumarið ,(fyrir utan einu helgina sem við skipulögðum í fyrra en svo kom brúðkaupið upp á þeirri helgi). Restin fær að ráðast eftir veðri og vindum. Bóndinn er víst búinn að skrá sig á golfmótið um verslunarmannahelgina.

Það var skrítið að lappa út úr fyrirtækinu í gær því ég veit ekki hvort ég kem nokkuð til baka þangað. Fer allt eftir því hvort ég verð búin að fá vinnu eða ekki. Talaði við einn yfirmanninn og hann sagði náttúrulega að við starfsmenn höfðum okkar skyldur og allt það en honum fannst nógu erfitt að þurfa að segja upp fólkinu að hann ætlar ekki að standa í vegi fyrir ef fólkið byrjar í annarri vinnu. Þótt það þurfi þess vegna að byrja á morgun . Hann þurfti svo sannarlega að tala, ég var inni hjá honum í um 20 mínútur .

"tjaldvagn"

Samkvæmt minni dönsku er campingvogne hjólhýsi en ekki tjaldvagn.  Og ef ég skoða myndina vel sem fylgir fréttavef Jyllands Posten sé ég hjólhýsi en ekki tjaldvagn.

Tjaldvögnum stolið í Danmörku

gott

Guði sé lof að ekki fór verr. Núna vantaði Gullu til að ganga á öll raftæki og slökkva, það er hennar síðasta verk þegar hún er í skólanum. Vonandi hafa verkin ekki skemmst mikið.

Ætli nemendurnir mæti þá aðeins fyrr í ár til að þrífa og mála?

Bruni í Myndlistarskólanum á Akureyri

samband

Maður verður þá í símasambandi þetta sumarið fyrir norðan. Eins og það var gott hér um árið þegar ekkert gsm samband var, þá var sko SUMARFRÍ, enginn að hringja um 5 að morgni og spyrja, án þess að kynna sig : HVAR ER FISKURINN MINN!!!  og svo var fiskurinn beint fyrir framan nefið á honum, svo að segja, hann var inni í innri kælinum en hann ekki farið þangað.

GSM sendum fjölgar

grunur staðfestur

Þá er minn grunur staðfestur, uppsagnabréfið er komið. Sagt upp störfum frá og með 1. júlí og síðasti starfsdagur er 30. september. Þá verður næsta mál að finna vinnu, því það getur enginn verið atvinnulaus með 2 börn í framhaldsnámi, í húsnæðiskaupum og bílakaupum.

Þetta er í annað skiptið sem ég fæ uppsagnarbréf á minni starfsævi sem byrjaði við 12 ára aldur. Hitt skiptið var í fyrra en það var dregið til baka.

Stjörnuspáin mín í dag :" Þú kemur auga á augljósa leið til að hefna þín einhverjum sem gerði þér rangt til. En besta hefndin er auðvitað að vera alveg skítsama um þetta allt saman."